Ҳ. ЗАРИФИ 2 КОМПЮТЕР ТӮҲФА КАРД

                     Душанбе, 25 март. (АМИТ «Ховар», Наргис Бойаҳмадова). — 21 марти соли 2009 дар ҷараёни боздиди худ аз Мазори Шариф Вазири корҳои хориҷии Ҷумҳурии Тоҷикистон ба литсеи Шайх Муҳаммадсиддиқи Шаҳҳоб ташриф овард.                     Ҳамрохон Зарифӣ бо омӯзгорон ва волидайни толибилмоне, ки дар ин ҷо таълим мегиранд, мулоқот ороста, онҳоро ба муносибати фарорасии Наврӯз табрику муборакбод намуд, ба устодони литсей муваффақиятҳо орзу кард.                      Зимни ин мулоқот Вазири корҳои хориҷии Тоҷикистон ба литсей 50 миз ва 2 компютер тӯҳфа кард.  Ҳангоми супурдани тӯҳфаҳо Ҳамрохон Зарифӣ иброз дошт, ки дар давраи нотинҷии Тоҷикистон мардуми  Афғонистон гурезагони тоҷикро сарпаноҳ, обу нон дод ва имрӯз халқи тоҷик имкон пайдо кардааст, ки бародарони худро дастгирӣ кунад.                       Ғайр аз ин Вазири корҳои хориҷии Тоҷикистон чун тӯҳфаи наврӯзӣ беш аз ду ҳазор ниҳол бурда буд, ки дар Мазори Шариф шинонда мешаванд.