5 ҲАЗОР ОДАМ БО КОР ТАЪМИН МЕШАВАНД

                   Хоруғ, 18 март. (АМИТ «Ховар», Л. Додо). — Соли ҷорӣ — Соли сохтмони азим дар Бадахшон таъин шуда аст. Дар ин сол бунёди Литсеи президентӣ, Маркази ҷавонон, хобгоҳи донишҷӯён, театри вилоятӣ, бозори марказӣ ва даҳҳо иншооти дигар дар назар аст. Ба хотири бунёди ин иншоот 111 миллион сомонӣ ҷудо гардидааст.                     Ба гуфти сардори идораи сохтмонҳои асосии мақомоти иҷроияи ҳокимияти давлатии ВМКБ Муҳаббат Раҳматов танҳо дар оғози сохтмонҳо беш аз 5 ҳазор нафар коргар ба кор ҷалб карда мешаванд.