БАРЗУ АБДУРАЗЗОҚОВ БО ТЕАТРИ БИШКЕК ҲАМКОРӢ МЕКУНАД

                     Душанбе, 27 март (АМИТ «Ховар», Таҳмина Ғоибназарова). — Коргардони тоҷик Барзу Абдураззоқов дар театри «Учур» — и пойтахти Ҷумҳурии Қирғизистон — шаҳри Бишкек асарҳои нави саҳнавиро пешкаши тамошобинон мегардонад. Вай, аз ҷумла, дар ин ҷо намоишномаи «Зери садои чархҳои трамвай» — ро ба саҳна мегузорад, ки муаллифи он драмнависи кинои ҷопонӣ Окира Куросава мебошад.              Б.Абдураззоқов ба мухбири АМИТ «Ховар» гуфт, ки баъди бозгашт аз Санкт — Петербург дар Бишкек ба кор шурӯъ хоҳад кард. Вай дар Санкт — Петербург дар ҷашнвораи театрҳои Русия ширкат меварзад. Коргардон нақл кард, ки пеш аз ин ҳам бо театри Бишкек ҳамкорӣ мекард. Бинобар ин даъвати навбатии маъмурияти театрро бо хушӣ қабул намуд.