БОЗ 3 БОЗОРИ НАЗДИСАРҲАДӢ КУШОДА МЕШАВАД

              Хоруғ, 6 март. (АМИТ «Ховар», Лутфишо Додоев).- Дар доираи ҳамкории Вилояти Мухтори Кӯҳистони Бадахшон ва вилояти Бадахшони Афғонистон соли ҷорӣ дар деҳаҳои Лангари ноҳияи Ишкошим, Хумроғи ноҳияи Ванҷ ва Гунҷибони ноҳияи Мурғоб бозорҳои назди назди сарҳадӣ ба фаъолият оғоз намоянд. Тавре ба мухбири АМИТ «Ховар» дар Кумитаи иқтисодии вилоят хабар доданд, ин имкон медиҳад, ки тиҷорат байни ин ду вилояти ҳаммарз беҳтар ҷараён гирад. Ҳоло бошад тавассути бунёди се пул аз болои рудхонаи Панҷ мардуми ин ду вилояти ҳаммарз молҳои хешро дар бозорҳои наздисарҳадии Теми шаҳри Хоруғ, Рӯзваи ноҳияи Дарвози Афғонистон ва Ишкошими ноҳияи Ишкошим мефурӯшанд.