БОЗ ЯК ВОКУНИШИ ВАО НИСБАТИ МАНСАБДОРОН

                    Душанбе, 27 март. (АМИТ «Ховар», Лаззат Диловарзод).- Фармони Президенти Ҷумҳурии Тоҷикистон «Дар бораи вокуниши шахсони мансабдор ба маводҳои танқидӣ ва таҳлилии воситаҳои ахбори омма», ки аз 7-уми феврали соли 2009 таҳти рақами 200 ба имзо расид, боз ҳам «тоҷикона» пазируфта шуд.                    Пас аз интишори фармони мазкур, даҳҳо маводҳои танқидию таҳлилӣ рӯи чоп омад, аммо аз ҷониби вазорату идораҳои марбута вокунише нашуд. Ин беамалӣ сабаби вокуниши муаллифон дар ВАО гардид.                    Аз чӣ бошад, ки масъулини вазорату идораҳо посух гуфтан ба ВАО-и кишварро раво намебинанд. Хол он ки фармони мазкур мақомоти давлатиро вазифадор намудааст, ки бо маводи танқидии ВАО вокуниш нишон диҳанд. Вокуниш нишон надодан маънои заифиро дорад, пас прокуратураи генералӣ, Суди Олӣ ва Вазорати умури дохила чӣ заифӣ доранд ё хомуширо аломати ризо мешуморанд?