ДАР ҚӮРҒОНТЕППА МАТБААИ ХУСУСӢ КУШОДА МЕШАВАД

                  Қӯрғонтеппа, 11 март (АМИТ «Ховар», Мурод Сотиев). — Рӯзҳои иди Наврӯз дар шаҳри Қӯрғонтеппа матбааи хусусӣ ба кор шурӯъ менамояд.                  Директори матбааи вилоятӣ Бобохон Шарбатов ба АМИТ «Ховар» хабар дод, ки матбааи нав бо асбобу анҷом ва таҷҳизоти навтарин таъмин карда шудааст. Ин имкон хоҳад дод, ки рӯзномаю маҷалла ва китобҳо бевосита дар маркази вилоят чоп карда шаванд. То ҳол бисёр рӯзномаҳо ва ҳафтаномаҳои вилоятӣ дар матбааҳои шаҳри       Душанбе чоп карда мешаванд. Акнун барои чопи онҳо маблағи камтар сарф мешавад.                   Ба шарофати ба кор даромадани матбааи нав 10 мутахассис бо кор таъмин мегардад. Ояндаи наздик ният дорем, ки дар матбаа чопи китобҳо ба роҳ монда шавад, гуфт Бобохон Шарбатов. Тарҷумон — Қудратов А.