ДАР ВАҲДАТ НЕРӮГОҲИ АЛОВӢ МЕСОЗАНД

                  Душанбе, 28 март. (АМИТ «Ховар», Лаззат Диловарзод).-Бино ба иттилои соҳибкор аз шаҳри Ваҳдат Сафарбек Назаров, дар давоми солҳои 2009 — 2011 дар макази шаҳри Ваҳдат нерӯгоҳи аловӣ бо истифода аз ангишт сохта ба истифода дода мешавад. Ба гуфти соҳибкор ин тӯҳфае аз соҳибкорону сохтмончиёни Ваҳдат ба муносибати 20 — солагии ҷашни истиқлолияти кишвар хоҳад шуд.                  Иқтидори нерӯгоҳ 50 мегават буда, тамоми корхонаҳои шаҳрро бо нерӯи барқ таъмин карда метавонад.Ба гуфти Сафарбек Назаров дар сохтмони нерӯгоҳ беш аз 1000 нафар сохтмончиён ба кор фаро гирифта мешаванд. Дар кори сохтмони нерӯгоҳ сармоягузорони хориҷӣ низ ҷалб карда мешаванд.                  Арзиши сохтмони ин иншооти ҷашнӣ 65 млн. евро муайян шудааст.