Х.МАҲМАДШОЕВ САРДОРИ ДАСТАИ МИЛИТСИЯИ ТАЪИНОТИ МАХСУС ТАЪИН ШУД

                 Душанбе, 2 март, (АМИТ «Ховар», Наргис Бояхмедова). — Бо фармони вазири корҳои дохилии ҷумҳурӣ полковники милиса Хуршед Маҳмадшоев сардори дастаи милисаи таъиноти махсуси ВКД таъин карда шуд. Тағйироти кадрӣ дар ВКД баъди хабарҳо дар бораи дастгир шудани гурӯҳи одамон, аз ҷумла, кормандони воломақоми Дастаи милисаи таъиноти махсус ба амал омад, ки ба узвияти яке аз гурӯҳҳои муташаккили ҷинояткор гумонбар мебошад.                 Аз вазорати корҳои дохилӣ ба АМИТ «Ховар» хабар доданд, ки Хуршед Маҳмадшоев қабл аз ин дар Дастаи милисаи таъиноти махсуси вазорат кор мекард. Вай дар ин вазифа майор Евгений Сергеевро иваз намуд. Е.Сергеев барои мувофиқат накардан ба вазифаи ишғолнамудааш аз кор озод карда шуд.