ИНТИХОБОТИ ПРЕЗИДЕНТИ АФҒОНИСТОН
Кобул, 6 март (АМИТ «Ховар» — Кабар). — Комиссияи интихоботи Афғонистон таъкид намуд, ки қарори гузаронидани интихоботи президент дар моҳи августи соли равон ба ҳеҷ ваҷҳ тағйир дода намешавад. Комиссия дастури президент Ҳамид Карзайро дар бораи моҳи апрел гузаронидани интихобот рад намуд. Қабл аз ин намояндагони СММ, НАТО ва ИМА қарори комиссияи интихоботро дастгирӣ карда буданд. Пешгӯӣ карда мешавад, ки агар қарори Ҳ.Карзай дар бораи моҳи апрел гузаронидани интихобот иҷро нашавад, вай аз ваколатҳои худ маҳрум гардида метавонад. Дар натиҷа имконияти дубора президент интихоб шудани Ҳ.Карзай аз байн меравад. Комиссияи интихобот даъво дорад, ки вазъияти мамлакат ба пеш аз мӯҳлат гузаронидани интихобот имкон намедиҳад. Илова бар ин фаъолияти ҷунбиши «Толибон» дар баъзе вилоятҳои мамлакат торафт бештар густариш меёбад. Ин ба ҷараёни овоздиҳӣ таъсири манфӣ хоҳад расонд. Ба қавли аъзои комиссия то моҳи июн қариб 17 ҳазор хизматчии ҳарбии ИМА ба Афғонистон фиристода мешавад ва ин вазъи сиёсии мамлакатро мӯътадилтар хоҳад гардонд. Дар натиҷа имконияти дахолати қувваҳои берунӣ ва муқобилони гузаронидани интихобот ба ҷараёни овоздиҳӣ камтар хоҳад гашт. Намояндаи НАТО Ҷеймс Апатура ва намояндаи ҳайати қумондонии низомии СММ дар Афғонистон Ален ле Рой моҳи август гузаронидани интихоботро тарафдорӣ намуданд. Бояд гуфт, ки мувофиқи Қонуни асосии Афғонистон, ваколатҳои президентии Карзай 22 май ба охир мерасанд. Бинобар ин интихоботи президент дераш бояд то 21 апрел гузаронида шавад. Сиёсатмадорони худи Афғонистон ҳам қарори комиссияи интихоботро дастгирӣ менамоянд. Онҳо кӯшиш мекунанд, ки имкониятҳои президенти ҳозираро барои расондани таъсир ба натиҷаҳои интихобот то ҳадди имкон маҳдуд созанд. Сарони мамлакатҳое, ки қисмҳои ҳарбии онҳо дар Афғонистон ҷой дода шудаанд, Ҳамид К;арзайро торафт бештар ҳадафи танқид қарор медиҳанд. Аз ҷумла, ноиби президенти ИМА Ҷ.Байден зимни сафараш ба Афғонистон изҳор намуд, ки Ҳ.Карзай фаъолияти Ҳукуматро густариш дода, ба муқобили ришвахӯрӣ мубориза бурда наметавонад. Вай инчунин, ба ҳамкории мансабдоронаш дар маҳалҳо бо мафияи нашъа аз паси панҷа менигарад.
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
