КӮМАК БА КҲФ ВА МГ

                  Душанбе, 5 март. (АМИТ «Ховар» Жасмин Назарова). Дар Кумитаи ҳолатҳои фавқулода ва мудофиаи гражданӣ (КҲФ ва МГ) маросими супоридани таҷҳизоти наҷотдиҳӣ барои омӯзиш ва истифодабарӣ баргузор гардид.                   Дар маросими мазкур раиси КҲФ ва МГ назди Ҳукумати Ҷумҳурии Тоҷикистон, генерал-майор Ғайбулло Латипов, намояндаи Комиссияи аврупоии ёрии башардӯстона Кристов Белперон ва сардори раёсати тайёр намудани наҷотдиҳандагони КҲФ ва МГ назди Ҳукумати Ҷумҳурии Тоҷикистон Олег Пилкеевич иштирок намуданд.                    Бояд қайд намуд, ки кӯмаки Комиссияи аврупоии ёрии башардӯстона таҷҳизоти гуногунро ба кумитаи зикршуда ба маблағи 40 ҳазор доллари амрикоӣ расонид.