КӮМАКИ ХАЙРИЯ БАХШИДА БА ИДИ НАВРӮЗ

                Душанбе, 19 март. (АМИТ «Ховар», Покиза Маҳмадбекова). — Тӯли солҳои зиёд ҶСК «Ориёнбонк» ба гурӯҳҳои эҳтиёҷманди ҷомеа, муассисаҳои ҷамъиятию таълимӣ, оилаҳои мӯҳтоҷ ва муассисаҳои бачагона кӯмаки хайрия мерасонад.                 Аз моҳи январи соли 2008 ҶСК «Ориёнбонк» ӯҳдадор шуда буд, ки ба мактаб-интернати махсуси бачагони нобино ва қувваи босираашон сусти шаҳри Исфара ёрии моддӣ расонад.                 Бинобар ин, дар арафаи иди Наврӯз ҶСК «Ориёнбонк» ба мактаб-интернат ва шаҳрвандони маъюбу мӯҳтоҷ ба маблағи 8 ҳазору 200 сомонӣ кӯмаки хайрия расонид.                Дар ин бора ба мухбири АМИТ «Ховар» аз бонки мазкур иттилоъ доданд.