КӮМАКИ ХАЙРИЯИ САФОРАТИ ӮЗБЕКИСТОН

                  Душанбе. 19-уми март. (АМИТ «Ховар», Покиза Маҳмадбекова). — Сафорати Ҷумҳурии Ӯзбекистон дар Тоҷикистон дар арафаи иди Наврӯз ба тарбиятгирандагони мактаб-интернати нобиноёни шаҳри Душанбе кӯмаки хайрия расонд.                   Тавре ба мухбири АМИТ «Ховар» аз сафорати Ӯзбекистон дар Тоҷикистон иттилоъ доданд, сафорат соли дуввум аст, ки мактаб — интернати мазкурро ба шефӣ гирифтааст ва доимо ба онҳо кӯмак мерасонад. Намояндагони сафоратхонаи Ӯзбекистон ба мактаб-интернат дастгоҳи навбаромади пухтупазӣ кулчақандҳо, орд, макарон ва маснуотӣ қаннодӣ тӯҳфа карданд.                   Ҳамчунин, ба ин муносибат дар мактаб бо иштироки волидайни тарбиятгирандагон ва намояндагони сафорат ҷамъомади ботантана ва консерт баргузор шуд.