КИШТИ БАҲОРӢ 29 ФОИЗ АНҶОМ ДОДА ШУДААСТ

Душанбе, 9 март. (АМИТ «Ховар», Лаззат Диловарзод).- Бино ба иттилои муовини вазири кишоварзӣ Шукрулло Раҳимназаров, тибқи дурнамои хоҷагиҳои деҳқонӣ (фермерӣ)-и вилояти Хатлон соли ҷорӣ дар масоҳати 38 ҳазору 211 гектар кишти баҳории зироатҳои ғалладона гузаронида мешавад.То 9-уми феврали соли ҷорӣ хоҷагиҳои вилоят дар масоҳати 11 ҳазору 263 гектар ё ба андозаи 29, 5 фоиз кишти баҳории зироатҳои ғалладона гузаронида шудааст, ки нисбат ба ҳамин давраи соли гузашта ба андозаи 5 ҳазору 589 гектар зиёд аст.Хоҷагиҳои вилоят инчунин, дар масоҳати 6588 га ҷав, 150 га зироатҳои лӯбиёгӣ, 173 га зағир ва дар майдони 220 га дигар навъи зироатҳои техникро кишт намуданд.