КОРМАНДОНИ МОЛИЯ БӮҲРОНИ МОЛИИ ҶАҲОНИРО БАРРАСӢ НАМУДАНД

                Душанбе, 17 март. (АМИТ «Ховар», Покиза Маҳмадбекова). — Дар Вазорати молияи Ҷумҳурии Тоҷикистон бо иштироки кормандони вазорат мизи мудаввар баргузор гардид. Дар он масъалаи муҳими рӯз — «Бӯҳрони молиявии байналмилалӣ ва таъсири он ба иқтисодиёти Ҷумҳурии Тоҷикистон» муҳокима гардид. Оид ба ин мавзӯъ сардорони раёсату шӯъбаҳо ва мутахассисон маърӯза карданд.                 Аз ҷумла, мавзӯъҳои «Нигоҳ доштани мӯътадилии нишондиҳандаҳои макроиқтисодӣ бо назардошти таъсири бӯҳронӣ молиявӣ дар Ҷумҳурии Тоҷикистон» ва «Бўҳрони молиявии имрӯза: мавқеъ ва сабаби рўй додани таъсири он ба иқтитсодиёти ҷаҳонӣ ва Ҷумҳурии Тоҷикистон» мавриди баррасии иштирокдорон қарор гирифт.Дар фарҷоми мизи му даввар сардори Сарраёсати буҷети давлатӣ Нарзулло Абибуллоев ба сардорони раёсат ва шўъбаҳои Сарраёсати буҷети давлатӣ супориш дод, ки аз рӯи натиҷаҳои мизи мудаввари имрӯза оид ба ҳалли роҳҳои коҳиш додани таъсири бӯҳрони имрӯза нақшаи корӣ тартиб диҳанд ва онро ба Сарраёсат пешниҳод намоянд.