МАБЛАҒИ СОХТМОНИ РОҲИ ОҲАНИ ВАҲДАТ- ҚӮРҒОНТЕППА 140 МЛН. Д

                    Душанбе, 27 март. (АМИТ «Ховар», Лаззат Диловарзод).- 19-уми март ба бунёди роҳи оҳани Ваҳдат- Қӯрғонтеппа асос гузошта шуд.Роҳи нав маркази кишварро ба нуқтаи ҷануби он дар масофаи 50 километр пайваст менамояд.                    Муҳимияти роҳи нав пеш аз ҳама дар он аст, ки ҷануби кишварро бо марказ дар масофаи беш аз 200 километр наздик намуда, бе убур аз сарҳади давлати ҳамсоя — Ҷумҳурии Ӯзбекистон сурат гирифта, садҳо ҳазор сомонӣ дар як сол фоида оварда метавонад.                    Муовини раиси Бонки Осиёи Рушд ҷаноби Жао ҳангоми мулоқот ба Президенти ҶТ Эмомалӣ Раҳмон иброз доштааст, ки Бонки осиёи Рушд дар бунёди роҳҳои иртиботӣ ба Тоҷикистон сармояи изофӣ ҷудо хоҳад кард.Барои сохтмони роҳи оҳани Ваҳдат-Қӯрғонтеппа 140 млн. доллар пешбинӣ шудааст.                    Коршиносон дар ин андешаанд, ки як қисми ин маблағро Бонки Осиёи Рушд пардохт хоҳад кард.                    Ёдовар мешавем, ки Бонки Осиёи Рушд дар давоми даҳ соли ҳамкорӣ ба Тоҷикистон дар доираи 500 млн. доллар барои иҷрои лоиҳаҳои мухталиф маблағ пардохт намудааст.