НАХУСТНАМОИШИ МУШТАРАКИ ТЕАТРҲОИ ЛӮХТАКИ ТОҶИКИСТОНУ РУСИЯ

                  Душанбе, 25 март. (АМИТ «Ховар», Лутфия Эшонқулова).- 20 апрел Театри давлатии шаҳри Кемеровои Федератсияи Русия ба Тоҷикистон сафари ҳунарӣ мекунад .                  Тавре ба мухбири АМИТ «Ховар» дар маркази матбуоти Вазорати фарҳанги ҶТ хабар доданд, коллективи эҷодии театри Кемерово ва Театри давлатии лӯхтаки Тоҷикистон намоишномаи муштараки «Хирсак Рим-тим-ти» -ро ба саҳна гузоштанд. Нахустнамоиши он дар саҳнаи театри лӯхтак аз 20 апрел то 1 май давом меёбад. Ҳамчунин, ин рӯзҳо барои тамошобинони хурдсол силсиланамоиши ҷолиб низ пешкаш мегардад.                 Муаллифи намоишномаи «Хирсак Рим-тим-ти» Ян Вилковский буда, дар таҳияи режиссёр Дмитрий Вихретский рўи саҳна омадааст.