НЕРӮГОҲИ ХУРДИ БАРҚӢ БА ИСТИФОДА ДОДА ШУД

                   Душанбе, 31 март. (АМИТ «Ховар», Наталья Михайлова).- 28 март дар ҷамоати Тугаланги ноҳияи Ҷалолиддини Румӣ нерӯгоҳи хурди барқӣ ба истифода дода шуд, ки иқтидори он 3 МегаВатт аст. Нерӯгоҳи мазкур бо супориши Ҳукумати Ҷумҳурӣ дар заминаи нерӯгоҳи барқии кӯҳнашуда сохта шуд. Мувофиқи супориши Ҳукумати Ҷумҳурӣ Кумитаи гумрук ва Ширкати саҳҳомии «Барқи тоҷик» таҷҳизоти нерӯгоҳи кӯҳнаю фарсудашударо иваз карданд. Нерӯгоҳи пештара дар ин ҷо соли 1950 сохта шуда буд. Ҷамъияти саҳҳомии «Замина» онро бо дастгирии Ҳукумати мамлакат пурра таъмир кард.                 Дар маросими кушодашавии нерӯгоҳи хурди барқӣ раиси вилояти Хатлон Ғайбулло Авзалов, намояндагони Кумитаи гумруки назди Ҳукумати Тоҷикистон ва хабарнигорон иштирок карданд. Чи тавре, ки ба АМИТ «Ховар» дар Кумитаи гумруки назди Ҳукумати Тоҷикистон хабар доданд, дар натиҷаи ба кор даровардани нерӯгоҳи хурди барқӣ 32 ҳазор сокини деҳаҳои атроф ва ҳамаи мактабҳои миёнаи ҷамоати Тугаланг шабу рӯз бо қувваи барқ таъмин мешаванд.                                                                                                                                        Тарчумон Иноятова З.