«РОҒАК» — И ДАРВОЗ ТАВАССУТИ АФҒОНИСТОН ОБЁРӢ МЕГАРДАД

                  Душанбе, 27 март. (АМИТ «Ховар», Лаззат Диловарзод).- Дар як нишасти ҳамкориҳои дуҷониба миёни мутахассисони Тоҷикистону Афғонистон, ки дар шаҳри Хоруғи Вилояти Мухтори Кӯҳистони Бадахшон сурат гирифт, аз густариши ҳамкориҳо дар бахшҳои иқтисодӣ, иҷтимоӣ ва фарҳангӣ сухан рафт,- иттилоъ доданд аз идораи кишоварзии вилоят ба мухбири АМИТ «Ховар».                  Ҳайати муштараке, ки аз ҳарду ҷониб ташкил ёфтааст, тасмим гирифтааст, ки дар ибтидо 50 гектар заминҳои дашти Роғаки ноҳияи Дарвозро, ки дар соҳили чапи дарёи Панҷ ҷойгир аст, бо истифода аз оби дарёчаи он сӯи марз обёрӣ намоянд.                  Ба иттилои мутахассисон, 21 мавзеи соҳили чапи дарёи Панҷ аз оби дарёҳои Афғонистон ва 27 дарёи Тоҷикистон дар обёрии заминҳои Афғонистон мавриди истифода қарор мегиранд.