САҲМИ БУЗУРГИ ЭМОМАЛӢ РАҲМОН ДАР ШИНОХТИ ИМОМИ АЪЗАМ

                 Душанбе, 10 март. (АМИТ «Ховар», Лутфия Эшонқулова).- 11 март бо ташаббуси Вазорати фарҳанги Ҷумҳурии Тоҷикистон дар Китобхонаи миллии ба номи А. Фирдавсӣ дар мавзӯи «Аҳамияти асарҳои Эмомалӣ Раҳмон дар шинохти воқеии осор ва афкори Имоми Аъзам» конфронси илмӣ баргузор мегардад. Дар он намояндагони Вазорати фарҳанги ҶТ , Дастгоҳи иҷроияи Президенти ҶТ ва аҳли илму адаби ҷумҳурӣ иштирок менамоянд.                 Дар конфронс сухан дар бораи саҳми Президенти Ҷумҳурии Тоҷикистон Эмомалӣ Раҳмон дар мавриди арҷгузорӣ ба олим ва мутафаккири бузург Имоми Аъзам , аҳамияти эълони Соли бузургдошти Имоми Аъзам дар шинохти воқеии осор ва афкори ӯ ва тақвияти худшиносии миллӣ, аҳамияти афкори Имоми Аъзам дар гуфтугӯи тамаддунҳо ва таҳқиқи масоили зиндагинома ва осори Имоми Аъзам дар асарҳои Эмомалӣ Раҳмон мавриди муҳокима қарор хоҳад гирифт.                Ҳамчунин, дар доираи чорабинии мазкур намоиши китобҳо таҳти унвони «Сарчашмаҳо доир ба зиндагӣ, осор ва фаъолияти илмии Имоми Аъзам» ташкил карда хоҳад шуд.