СЕМИНАР – МАШВАРАТИ АНДОЗСУПОРАНДАГОН

                    Душанбе, 11 март. (АМИТ «Ховар», Лаззат Диловарзод).- Дар Кумитаи андози назди Ҳукумати ҷумҳурӣ семинар — машварат дар мавзӯи; «Истифодаи имтиёзоти андоз ҳангоми татбиқи лоиҳаҳои мақсаднок, ки аз ҳисоби маблағҳои грантию қарзӣ амалӣ мегарданд», баргузор гардид.                   Дар семинар — машварат намояндагони вазоратҳои молия, маориф, Кумитаи давлатии сармоягузорӣ ва идораи амволи давлатӣ, Ассотсиатсияи соҳибкорони шаҳри Душанбе, роҳбарони 34 марказҳои татбиқи лоиҳаҳо, якчанд ширкатҳои тиҷоратӣ ва нозироти андози ноҳияҳои шаҳри Душанбе ва ноҳияҳои тобеи ҷумҳурӣ ширкат варзиданд.                    Мақсад аз баргузории семинар — машварат татбиқи дурусти муқаррароти моддаи 237-и Кодекси андози ҶТ буд, ки бо сабаби нофаҳмии андозсупорандагон риоя намегардид.