ТАҲИЯИ ЛОИҲАИ СОЗИШНОМА ДАР БОРАИ МИНТАҚАҲОИ ОЗОДИ ТИҶОРАТӢ

                     Душанбе, 6 март (АМИТ «Ховар», Наргис Бояхмедова). — Вазорати рушди иқтисодиёти Русия лоиҳаи созишномаро дар бораи минтақаҳои озоди тиҷоратӣ ба муҳокимаи коршиносони давлатҳои ИДМ пешниҳод намуд. Дар машварати ба ин масъала бахшидашуда намояндагони Арманистон, Белорусия, Қирғизистон, Молдавия, Русия, Ӯзбекистон ва Украина ширкат варзиданд.                    Тоҷикистон эродҳо ва пешниҳодоти худро ба таври хатӣ ба машварати мазкур фиристод. Иштирокчиёни машварат маълумоти ҷониби Русияро роҷеъ ба лоиҳаи созишнома ба инобат гирифтанд. Дар ҷараёни муҳокима силсилаи масъалаҳо, аз ҷумла, ба созишнома дохил намудани пешниҳодот дар бораи ҳифзи моликияти зеҳнӣ, роҳу усулҳои хариди давлатӣ ва хизматрасонӣ ба миён гузошта шуданд.                    Мухбири АМИТ «Ховар» хабар медиҳад, ки хамаи пешниҳодот зимни такмили ҳуҷҷат ба ҳисоб гирифта хоҳанд шуд.