ТОҶИКСТАНДАРТ ИЗҲОРИ НИГАРОНӢ ДОРАД

                 Душанбе, 16 март. (АМИТ «Ховар», Лаззат Диловарзод),- Бино ба иттилои директории Тоҷикстандарт Д.Ҳотамов, соли 2008 на ҳамаи ҳисобкунакҳои об, газ ва барқ аз ташхиси техникии Тоҷикстандарт гузаронида шуданд.                  Ба иттилои ҳамин манбаъ, соли 2008 идораи «Душанбегаз» аз 5 ҳазор ҳисобкунакҳои истеҳсоли Ҷумҳурии Мардумии Чин, ки дар хонахои истиқоматӣ идораю муассисаҳо васл кардааст танҳо 40 фоизашро барои аз назорати Тоҷикстандарт гузаронидан пешниҳод намудааст. Идораи «Душанбеводоканал» бошад 90 фоизи дар нақша пешбинишуда ва идораи «Фурӯши барқ «Эноргосбыт» -и Душанбе» 14 ҳазор ҳисобкунакҳои барқии истеҳсоли Ҷумҳурии Мардумии Чинро бе ташхиси техникии Тоҷикстандарт насб кардаанд, ки боиси нигаронист.