ВАРЗИШ МАНБАИ САЛОМАТӢ

                     Темурмалик, 10 март. (АМИТ «Ховар», Сулаймон Холов).-Бахши ҷавонон варзиш ва сайёҳии мақомоти иҷроияи маҳалии ҳокимияти давлатии ноҳияи Темурмалик нақшаи чорабинӣ баҳри амалӣ гардидани «Барномаи рушди саломатии ҷавонони Ҷумҳурии Тоҷикистон барои солҳои 2006-2010 дар ҷамоатҳои шаҳраку деҳот ва мактабҳои таҳсилоти умумии ноҳия вохӯрӣ ва озмунҳо гузаронида истодааст. Раиси ноҳия Малика Шукурова вобаста ба ин мавзӯъ гуфт:- «Соли сипаригардида бахши мазкур махсусан дар соҳаи варзиш натиҷаи хуб ба даст овард.         Дастпарвари мактаби варзишии ноҳия Баҳром Сангов дар мусобиқаи байналхалқӣ оид ба вазнбардорӣ дар Ҷумҳурии Исломии Эрон маҳорати баланд нишон дода дар байни 15 кишвари ҷаҳон соҳиби медали варзишии мусобиқа гардид. Дастпарвари дигари мактаби варзишии ноҳия Низом Сангов соҳиби роҳхат барои иштирок дар олимпиадаи ХХХ шаҳри Пекини Ҷумҳурии Хитой гардидааст. Умед аст, ки соли ҷорӣ низ варзишгарони ҷавони ноҳия дар мусобиқа ва олимпиадаҳо ширкат варзида, сазовори ҷои намоён мегарданд»-афзуд Малика Шукурова.