ЯРМАРКАИ НАВБАТИИ ҶОИ КОРУ ВАЗИФАҲОИ ХОЛӢ
Душанбе, 11 март (АМИТ «Ховар», Людмила Дубинина). — Ярмаркаҳои ҷои кору вазифаҳои холӣ, ки мунтазам дар пойтахт баргузор мегарданд, нишон доданд, ки бо вуҷуди душвориҳои иқтисодию молиявӣ талаботи корхонаю муассиса ва ташкилотҳо ба қувваи корӣ хеле калон аст. То ҳол ҳам корхонаҳои давлатӣ ва ҳам корхонаҳои хусусӣ ба теъдоди зиёди коргарон эҳтиёҷи калон доранд. Директори раёсати умумии Агентии давлатии ҳифзи иҷтимоии аҳолӣ Маҳмадалӣ Ҷабборов ба АМИТ «Ховар» хабар дод, ки дар пойтахт аз аввали соли равон 5 ярмарка гузаронида шуд. Дар онҳо қариб 15 ҳазор сокини пойтахт ва ноҳияҳои тобеи марказ ширкат варзид. Ба туфайли чунин ярмаркаҳо зиёда аз 700 нафар дар корхонаҳои саноатӣ, сохтмон, нақлиёт, алоқа, тандурустӣ, маориф ва ғайра соҳиби кор гардид. Қариб 3 ҳазор нафари дигар барои омӯхтани касб ба курсҳои кӯтоҳмуддат фиристода шуд. М.Ҷабборов афзуд, ки кормандони агентӣ талаботи корхонаю муассисаҳоро ба коргарони соҳаҳои гуногун меомӯзанд. Дар давоми ҳамин ҳафта дар бинои Сирки давлатӣ ярмаркаи навбатии ҷои кору вазифаҳои холӣ баргузор мегардад.
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад
Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
