«ЗИЁРАТШО» ФАБРИКАИ ХУРДИ РЕСАНДАГӢ МЕСОЗАД

                   Фархор, 2 март. (АМИТ «Ховар» Сулаймон Холов).-Дар ҳудуди деҳоти Гулшани ноҳияи Фархор фабрикаи хурди ресандагӣ бунёд меёбад. Ҷонишини сардори ҶДММ «Зиёратшоҳ» Тоҳир Каримов вобаста ба ин мавзўъ гуфт: «Сохтмони мазкур бо сарпарастии ширкати «Зиёратшоҳ» сохта шуда, маблағи он зиёда аз 3 миллион сомониро дар бар мегирад. Иқтидори корхона бошад дар як сол 1200 тонна ришта истеҳсол намуда, дар 3 вақт фаъолият хоҳад намуд. Айни ҳол, сохтмончиён 73%-и корҳои сохтмониро ба итмом расонидаанд. Мавриди зикр аст, ки бо шурўъ гардидани фаъолияти кори корхона 250 нафар коргар метавонанд ба ҷои кори нав таъмин гардад. Фабрикаи хурди ресандагӣ дар моҳи июли соли ҷорӣ (с.2009) фаъолияти худро оғоз менамояд» -иброз дошт Тоҳир Каримов.