ҚАРЗДОРОН БЕХАБАРАНД, КИ ҚАРЗ ДОРАНД

               Душанбе, 22 апрел. (АМИТ«Ховар», Анварбек Сиддиқов).- Анвар Абдулазизов мудири шӯъбаи бозрасии давлатии «Амонатбонк»-и ноҳияи Бобоҷон Ғафуров, бо сӯиистифода аз мансаб, бо маслиҳати пешакӣ бо шахсони масъули ҳамин бонк дар 4-лаҳза аз номи шаҳрвандон Ю. Юсупов 30000 сомонӣ, М.Г. Собирова 10000 сомонӣ, А. Умадқулов 30000 сомонӣ, С. Уматқулов 10000 сомонӣ, ҷамъ ба маблағи 80000 сомонӣ гуё ба онҳо қарз дода бошад, бо роҳи қалбакӣ шартнома тартиб дода ва аз номи онҳо имзо гузоштааст. Номбурдагон бошанд, то инҷониб аз мавҷуд будани чунин шартномаи қарзӣ хабар надоранд. Бо ин амал мудири бахши қарздиҳии ҳамин шӯъба У. З. Нурулоев ва соҳибкори инфиродӣ Мақсад Уматқулов низ шарик мебошанд.                Тавре аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба АМИТ «Ховар» хабар доданд, нисбати онҳо аз тарафи шӯъбаи тафтишотии Раёсати Агентӣ дар вилояти Суғд бо моддаҳои 246 қисми 2, 265 ва 323-и Кодекси Ҷиноии Ҷумҳурии Тоҷикистон парвандаи ҷиноӣ оғоз карда, тафтишот идома дорад.