БАХШИ ДУЮМИ ЛОИҲА АМАЛӢ МЕГАРДАД

               Душанбе, 7 апрел. (АМИТ «Ховар», Лаззат Диловарзод).- Бахши дуюми лоиҳаи дафтари озуқа ва кишоварзии СММ, ки ба соҳаи чорводорӣ бахшида шудааст, аз моҳи марти соли 2009 оғоз гардид. Он ба тақсими ройгони тухмии юнучқа ба андозаи 1,8 килограмм ва нуриҳои минералӣ, аз ҷумла 30 килограмм суперфосфат, 10 килограмм карбомид ва 10 килограмм хлориди калий ба 7 ҳазор оилаи кишоварзони ноҳияҳои Роғун, Нуробод, Тавилдара ва Сағирдашти ноҳияи Дарвози ВМКБ пешбинӣ гардидааст. Дар ин самт аллакай корҳо оғоз шудаанд. Бояд тазаккур дод, ки маблағи умумии лоиҳаи якум аз «Таъмини фаврии амнияти озуқаворӣ ва ворид намудани тухмиҳо», ки аз 5 миллион доллари арикоӣ иборат буд аз ҷониби дафтари озуқа ва кишоварзии СММ тирамоҳи соли 2008 дар Ҷумҳурии Тоҷикистон роҳандозӣ гардид.               Тибқи ин лоиҳа, ба миқдори 1265 тонна гандум ва 2102 тонна нуриҳои минералӣ ба 71 ҳазору 449 оилаи камбизоати вилояти Хатлон тақсим гардидааст.