БОЗДИДИ САФИРИ АМРИКО АЗ НОҲИЯҲОИ ПАНҶУ ҚУМСАНГИР

                 Қӯрғонтеппа, 17 апрел. (АМИТ «Ховар», Мурод Сотиев). — Сафири кабири ИМА дар Тоҷикистон Трейси Энн Ҷейкобсон дирӯз барои боздиди корӣ ба ноҳияҳои Панҷ ва Қмсангир рафт. Вай дар ноҳияи Панҷ бо фаъолияти шифохонаи маркази ноҳия шинос гардида, бо гурӯҳи духтурони Тоҷикистону амрикоӣ ҳамсӯҳбат шуд. Духтурони ҳар ду мамлакат дар ин ҷо бештар аз 300 нафар беморонро табобат мекунанд.                  Дар хабари барои матбуот дарҷнамудаи сафорати ИМА гуфта мешавад, ки Тоҷикистону ИМА барномаи тиббии тадбирҳои шаҳрвандиро амалӣ месозанд. Ҳадафи он беҳтар сохтани ҷараёни табобат ва амалӣ сохтани тадбирҳои пешгирии бемориҳо дар Тоҷикистон мебошад. Департаменти давлатӣ ва вазорати мудофиаи ИМА барои иҷрои барномаи мазкур, аз ҷумла, хариди дору ва асбобу анҷоми тиббӣ 50 ҳазор доллар ҷудо карданд.                  Мухбири АМИТ «Ховар» хабар медиҳад, ки сафири ИМА дар Тоҷикистон дар ноҳияи Қумсангир бо ҷараёни тармими шифохонаи кӯмаки таъҷилии тиббӣ шинос шуд. Барои тармими шифохонаи мазкур 16 ҳазор доллар ҷудо карда шудааст.