ЧАРО САРВАТМАНДОН АЗ ИФШОИ НОМАШОН ХАВФ ДОРАНД?

                 Душанбе, 6 апрел, (АМИТ «Ховар», Лаззат Диловарзод).- Тибқи маҷаллаи молиявию иқтисодии «Форбс»-и ИМА шумораи сарватмандони калонтарин (миллиардерҳо)-и дунё ба 793 нафар баробар аст. Бар асари бӯҳрони ҷаҳонии молиявӣ шумораи сарватмандон нисбат ба соли гузашта кам шудааст.                Тибқи таҳлили иқтисодии ҳамин маҷалла, аз бӯҳрони ҷаҳонии молиявӣ аз се ду ҳиссаи миллиардерҳои Россия зарар диданд. Дар ин маҷалла аз 87 миллиардери дар соли 2008 будаи Россия 32 нафарашон ба рӯйхат дохил карда шудааст.                 Раиси ширкати «Майкрософт» Билл Гейтс бо вуҷуди 15 миллиард зарари молиявӣ диданаш бо 40 миллиард дар ҷои аввал, Уоррен Бафест дар ҷои дуюм ва миллиардери Мексикоӣ Карлос Салим Эллу бо 35 миллиард дар ҷои сеюм қарор доранд.                Соли ҷорӣ дар феҳрасти ин маҷалла ҷои номи сарватмандони Россия тағйир ёфта аст; Олег Дерипаска, ки дороияш беш аз 40 миллиард буд, ҳоло бо 5 миллиард дар ҷои 8-ум, Михаил Прохоров бо 14 миллиард ба ҷои аввал гузошта шуда аст. Роман Абрамович дар ҷои дуюм мебошад.                 Дар феҳрасти ин маҷала номи ягон сарватманди Тоҷикистон оварда нашудааст. Чӣ магар дар Тоҷикистон сарватмандон нестанд? .