ДАР ИСФАРА ФУРӮЗОНАКҲОИ АРЗОН ИСТЕҲСОЛ МЕШАВАД

                  Cуғд, 21апрел. (АМИТ «Ховар», Самад Юсуфӣ, Мирзалӣ Амонов)-.Дар толори маҷлисгоҳи Мақомоти иҷроияи ҳокимияти давлатии вилояти Суғд нишасти матбуотӣ бо иштироки раиси вилоят Коҳир Расулзода баргузор гардид.                 Дар нишасти матбуотb оид ба ҷамъбасти семоҳаи аввали соли 2009 раиси вилояти Суғд Коҳир Расулзода изҳор дошт, ки ҷиҳати иҷрои супориши президенти Ҷумҳурии Тоҷикистон Эмомалӣ Раҳмон дар ҶС «Чароғ»-и шаҳри Исфара истеҳсоли фурӯзонакҳои диодии камхарҷ ба роҳ монда хоҳад шуд. Алҳол дар ин самт корҳои омадагӣ оғоз шудааст. Мутаххассисон лоиҳа ва нақшаҳои технологӣ ва иқтисодии вобаста ба истеҳсоли фурӯзонакҳоро омода менамояд.                 Ҳамчунин соҳибкорон оид ба ташкили коргоҳҳои истеҳсоли фурӯзонакҳои диодиро пешниҳод менамоянд. Ба роҳ мондани истеҳсоли фурӯзонакҳо дар ҳудуди вилояти Суғд нисбат ба воридоти онҳо аз хориҷи кишвар якчанд маротиба арзон хоҳад шуд.