ДАР МАКТАБҲОИ ТОҶИКИСТОН ҲУҚУҚИ ГУМАНИТАРӢ ОМӮХТА МЕША

                Душанбе, 22 апрел. (АМИТ «Ховар», Наргис Бояхмедова). — Намояндагони Вазорати маорифи ҷумҳурӣ, Ҷамъияти Ҳилоли Аҳмар ва намояндагии Кумитаи байналмилалии Салиби Сурх дар Осиёи Марказӣ дирӯз дар шаҳри Душанбе дар бораи омӯхтани ҳуқуқи байналхалқии гуманитарӣ дар мактабҳои мамлакат қарордод имзо карданд. Қарордод ҳамкории вазорату идораҳои дахлдорро дар бобати омӯхтани арзишҳои инсонӣ ва асосҳои ҳуқуқи байналхалқии гуманитарӣ зимни таълими фанҳои «Ҳуқуқи инсон» ва «Тайёрии ибтидоии ҳарбӣ» ба низом медарорад. Мувофиқи ҳуҷҷати имзошуда, ҳуқуқи байналхалқии гуманитарӣ инчунин дар мактабҳои олии мамлакат омӯхта мешавад.                 Кумитаи байналмилалии Салиби Сурх ва Ҷамъияти Ҳилоли Аҳмари ҷумҳурӣ ба Вазорати маориф дар бобати беҳтар сохтани таълими ин фан дар мактабҳо бо роҳи гузаронидани семинару конфронсҳо ва озмунҳо кӯмак мерасонанд.