ЭМОМАЛӢ РАҲМОН БА АЛМААТО РАФТ

                  Душанбе, 28 апрел. (АМИТ «Ховар», Наргис Бояхмедова). — Президенти Ҷумхурии Тоҷикистон Эмомалӣ Раҳмон субҳи имрӯз барои иштирок дар мулоқоти сарони давлатҳои таъсисдиҳандаи Бунёди байналмилалии наҷоти Арал ба шаҳри Алмаато рафт. Мулоқоти сарони давлатҳо дар ин ҷо ҳамин рӯз кушода мешавад. Дар ин сафар Сарвари давлатро мушовири давлатии Президент дар масъалаҳои сиёсати берунӣ Эркин Раҳматуллоев, вазири корҳои хориҷӣ Ҳамрохон Зарифӣ, вазири мелиоратсия ва хоҷагии об Саид Ёқубзод, раиси Кумитаи ҳифзи муҳити зисти назди Ҳукумати ҷумҳурӣ Хурсандмурод Зокиров ва дигарон ҳамроҳӣ мекунанд. Мухбири АМИТ «Ховар» ёдовар мешавад, ки Бунёди байналмилалии наҷоти Аралро Қазоқистон, Қирғизистон, Тоҷикистон, Туркманистон ва Ӯзбекистон ташкил карда буданд.                  Президенти ҷумиҳуриро дар майдони ҳавоии пойтахт раиси Маҷлиси миллии Маҷлиси олии мамлакат Маҳмадсаид Убайдуллоев, раиси Маҷлиси намояндагон Сайдулло Хайруллоев, Сарвазир Оқил Оқилов, роҳбари Дастгоҳи иҷроияи Президент Амиршо Миралиев ва шахсони дигари расмӣ гусел карданд.