ГУМРУК НАҚШАРО ИҶРО НАКАРД

                  Душанбе, 30 апрел. ( АМИТ «Ховар», Лаззат Диловарзод).-Бино ба иттилои муовини аввали сардори Хадамоти гумруки назди Ҳукумати ҷумҳурӣ Неъмат Раҳматов, дар семоҳаи аввали соли ҷорӣ бо сабаби таъсири бӯҳрони молиявӣ гардиши савдои хориҷии кишвар ба миқдори 228,9 млн. доллари амрикоӣ кам гардидааст. Ин аст, ки воридоти маблағ ба буҷаи кишвар дар ин муддат ҳамагӣ 75,2 фоиз иҷро гардидааст.                 Боиси таассуф аст, ки ҳуқуқваронкуниҳои гумрукӣ аз ҷониби шахсони ҳуқуқӣ ва воқеӣ дар давоми се моҳи соли 2009 зиёд гардидааст. Агар дар се моҳи соли 2008 1230 ҳодисаи қонуншиканиҳои гумрукӣ ба қайд гирифта шуда бошад, дар се моҳи соли 2009 он ба 1449 адад расидааст.                 Дар ин муддат ба 1415 нафар шахсони ҳуқуқӣ ва воқеӣ парвандаҳои ҳуқуқвайронкуниии маъмурӣ тартиб дода шуда аз онҳо ба андозаи 1 млн. 300 ҳазор сомонӣ ҷарима ситонида шудааст.