ИСТЕҲСОЛИ МАҲСУЛОТИ «ТАҶАМ» МЕАФЗОЯД

              Душанбе, 2 апрел. (АМИТ «Ховар», Лаззат Диловарзод).- тибқи иттилои иҷрокунандаи вазифаи директори Ҷамъияти саҳҳомии шакли пӯшидаи «ТаҷАм» Игор Умаров, дар корхона истеҳсоли 16 навъи маҳсулот ба роҳ монда шудааст. Маҳсулоти серталаби корхона айни замон оби ҷав, ғӯлачаҳои ҷуворимакка, обҳои газнок мебошанд.               Дар соли 2008 баръакси боло рафтани нархи маҳсулоти корхонаҳои истеҳсолии шаҳр нархи махсулоти «ТаҷАм» боло нарафт, ки ин муваффақияти истеҳсолотчиён дониста шуд.                  Корхона дар соли ҷорӣ бо зиёд намудани маҳсулот нархи онро як баробар кам карданист. Ба замми ин, корхона 40 фоиз ҷои нави кориро зиёд мекунад.                 Ба гуфти И. Умаров, дар сурати дастгирии шаҳрдорӣ корхона имкон дорад 10-15 нуқтаи савдо бо ороишҳои зебои миллӣ таъсис дода аз миёнаравҳое, ки махсулоти корхонаро бо нархи дучанд зиёд ба харидорон пешкаш мекунанд, раҳо ёбад.