ИСТЕҲСОЛОТ ТИБҚИ ДАРХОСТ

                      Душанбе, 2 апрел. (АМИТ «Ховар», Лаззат Диловарзод).- Бино ба иттилои ҷонишини директори «Тоҷиктекстилмаш» оид ба истеҳсолот Комил Сангаков, ҳамкориҳои корхона бо заводи арзизи Тоҷикистон тӯли солҳои зиёд идома дорад. Соли 2008 «Тоҷиктекстилмаш» дар асоси дархости корхонаи алюминии Тоҷикистон ба маблағи 5 миллион сомонӣ таҷҳизоти фармоишӣ истеҳсол намуд, ки онҳоро солҳои қаблӣ аз Ҷумҳурии Ӯзбекистон ва Федератсияи Россия бо нархи дучанд харидорӣ менамуданд.              Корхона тибқи талаботи аҳолӣ, истеҳсоли асбобу анҷоми рӯзгор, аз қабили: дег, тоба ва сатили пластикиро ба роҳ мондааст.              «Тоҷиктекстилмаш» дар Осиёи Миёна якумин корхонаест, ки барои корхонаҳои пахтатозакунӣ дастгоҳҳои чангкашӣ истеҳсол менамояд. Танҳо соли 2008 бо дархости корхонаҳои пахтатозакунии Ҷумҳурии Ӯзбекистон 50 адад чунин дастгоҳҳо истеҳсол карда шуд, ки аз он фоидаи зиёд ба даст овард.