ОПЕРАТОРОНИ МОБИЛӢ ДАРОМАДИ ЗИЁД МЕГИРАНД?

                  Душанбе, 28 апрел. (АМИТ «Ховар», Мавзуна Бойева). — Аз вазорати нақлиёт ва коммуникатсияи ҶТ ба АМИТ «Ховар» хабар доданд, ки фарогирии алоқаи барқи дар семоҳаи аввали соли ҷорӣ дар ҷумҳурӣ 4,5 муштарӣ ба 100 нафар аҳолиро ташкил дод, ки нисбат ба ҳамин давраи соли гузашта 2,3% зиёд мебошад. Даромад аз фаъолияти ҶСК «Тоҷиктелеком» — 17,8 миллион сомониро ташкил намуда, нисбат ба соли гузашта 32,6% коҳиш ёфтааст. Дар ин давра ба 323575 муштарӣ хизмат расонида шуд.                  Фарогирии алоқаи мобилӣ бошад дар давоми семоҳаи аввали соли ҷорӣ нисбат ба ҳамин давраи соли гузашта 1,6 маротиба зиёд шудааст.Дар ҷумҳурӣ 10 ширкати мобилӣ (Вавилон-мобайл, ТК-мобайл, Индиго Тоҷикистон, Вавилон — Т, ТТ — mobile, М — теко, Сомонком, Таком, Телеком ИНК, Телеком технолоджи) фаъолият доранд, ки даромад аз фаъолияти онҳо дар давраи ҳисоботӣ- 229,1 миллион сомони-ро ташкил дод, яъне ба андозаи 1,5 баробар нисбат ба соли 2008 зиёд гашта, ба 3749216 муштарӣ хизмат расонида шудааст.