САФАРИ ҒАЙРИЧАШМДОШТИ САРВАЗИРИ БРИТАНИЯ БА АФҒОНИСТОН

                  Кобул, 28 апрел. (АМИТ «Ховар» — Евронюс). — Сарвазири Британияи Кабир Гордон Браун ғайричашмдошт ба Афғонистон сафар кард. Вай дар вилояти Ҳилманд бо шароити хизмати хизматчиёни ҳарбии мамлакаташ шинос гашта, баъдан дар Кобул бо Президенти Ағонистон Ҳамид Карзай мулоқот кард. Қайд карда мешавад, ки ҳадафи сафар баррасии ташаббусҳои нави Британияи Кабир дар мубориза ба муқобили терроризм вобаста ба авҷ гирифтани фаъолияти дастаҳои мусаллаҳи «Толибон» ва «Алқаёда» дар минтақа мебошад.                    Гордон Браун дар вилояти Ҳилманд зимни сӯҳбат бо хабарнигорон гуфт, ки ҳамаи вилоятҳои мамлакат бояд таҳти назорати пурраи давлат қарор дода шаванд. Барои ин шумораи хизматчиёни ҳарбии Афғонистон то соли 2011 ба 135 ҳазор нафар расонда хоҳад шуд. Гордон Браун аз Кобул ба Исломобод рафт. Вай дар ин ҷо зимни мулоқот бо мақомоти Покистон муҳокимаи масъалаҳои тақвияти мубориза ба муқобили терроризм ва ифротгароиро давом медиҳад.                                                                                Тарҷумон — Қудратов А.