ТАҒЙИРУ ИЛОВА БА ҚОНУНИ ҶТ «ДАР БОРАИ МАОРИФ» САРИВАҚТИСТ

              Душанбе, 10 апрел. (АМИТ «Ховар», Лаззат Диловарзод).- Таъсири телефонҳои мобилӣ боиси пайдо шудани бемориҳои саратон мегардад.Соли 2000-ум ташкилоти умумиҷахонии тандурустӣ тавсияҳои худро вобаста ба бехатарии телефонҳои мобилӣ дар Парлумони Аврупо эълон дошт. Омӯзиши мутахассисони Ҷопон низ гувоҳи он аст, ки истифодаи телефонҳои мобилӣ ба майна таъсири манфӣ дорад, бахусус, барои наврасон.             Бино ба гуфти вакили парлумон Ҷумъабой Сангинов, имрӯзҳо майдонҳои электромагнитӣ ва таъсири биосфера заминро пахш кардааст ва ин ба ҷараёни фаъолияти инсон бетаъсир нест. Аз ин рӯ тағйиру илова ба Қонуни Ҷумҳурии Тоҷикистон «Дар бораи маориф» дар бораи манъ кардани истифодаи телефонҳои мобилӣ дар тамоми муассисаҳои таълимӣ саривақтӣ мебошад.