ТАЪМИНИ КӮЛОБ БО БАРҚ БЕҲТАР МЕГАРДАД

                Кӯлоб 13 апрел. (АМИТ «Ховар» Сулаймон Холов).-Дар нишасти матбуотие, ки дар шабакаҳои барқии минтақаи Кӯлоб доир гашт Мирзо Исмоилов аз натиҷаи ҷамъбасти семоҳа ба хабарнигорон ахборот дод. Ба гуфтаи ин манбаъ интиқоли қувваи барқ дар навоҳии водии Кӯлоб мӯътадил гардида, айни ҳол мардум рӯзона ва шомгоҳ ба миқдори 5 соат бо қувваи барқ таъминанд. М. Исмоилов афзуд: «Аз шурӯи кори истгоҳи Лолазор-Хатлон сифати интиқоли барқ беҳбуд ёфтааст ва эътимоднокии он хубтар гашта, сифати шиддат ба талаботи стандартӣ ҷавобгӯ ва хароҷоти технологии барқ дар хати барқии 220 Кв якчанд маротиба кам гардид. Дар ҳамин аснод Мирзо Исмоилов аз роҳандозӣ гаштани як барномаи вижа дар самти сохтмони истгоҳҳои бодӣ дар навоҳии водии Кӯлоб дарак дод. Ба гуфти Исмоилов айни ҳол, дар ноҳияи Шӯрообод истгоҳи бодӣ барои фаъол гаштан омода буда, рӯзҳои наздик ба додани барқ оғоз хоҳад кард. Ҳамчунин ин барнома дар навоҳии Фархору Балҷувон низ амалӣ мегардад. Бояд гуфт, ки иқтидори истеҳсолии ин истгоҳ 20 Кв ташкил медиҳад. Мавриди зикр аст, ки дар ҳолати зиёдшавии об дар обанбори Норак дар рӯзҳои наздик реҷа аз байн меравад».-иброз дошт Исмоилов.