ТОҶИКИСТОН ОИННОМАИ СКИ-РО ТАСДИҚ КАРД

                  Душанбе, 8 апрел.(АМИТ «Ховар», Марзия Саидова).- Парлумони Тоҷикистон 8 апрел Оинномаи Созмони Конфронси Исломиро тасдиқ кард.                  Зимни баррасии ин масъала муовини аввали вазири корҳои хориҷии ҷумҳурӣ Абдулло Юлдошев гуфт, ки Оинномаи Созмони Конфронси Исломӣ аз 18 боб ва 39 модда иборат буда, фаъолияти созмони мазкурро ба танзим медарорад. Фаъолияти созмон дар доираи Оинномае, ки соли 1974 қабул гардида буд, амалӣ гардонида мешавад.                   Бояд тазаккур дод, ки Созмони Конфронси Исломӣ соли 1969 таъсис ёфта қароргоҳаш шаҳри Ҷиддаи Арабистони Саудист.Ҷумҳурии Тоҷикистон аз 1 декабри соли 1992 ба ҳайати ин созмони бонуфузи байналмилалӣ пазируфта шудааст.