«ТОҶИКСОДИРОТБОНК» БА ДЗЮДО МЕГУЗАРАД

                     Душанбе, 30 апрел. ( АМИТ «Ховар», Лаззат Диловарзод).-«Тоҷиксодиротбонк» дар роҳи дастгирии табақаи ниёзманду бепарасторон чанд соли охир хеле фаъол аст. Бонки мазкур сарпарастии мактаб- интернати кӯдакони бепарастори шаҳраки Навободи ноҳияи Рашт, ки 219 нафарро ба таълим фаро гирифтаанд, ба зимма дорад.      «Тоҷиксодиротбонк» ҳамчунин ба иштирокчиёни Ҷанги Бузурги Ватанӣ ва дигар табақаи эҳтиёҷманд кӯмак мерасонад.                   «Баъди таъкиди Сарвари давлат дар Паёми навбатӣ ба Маҷл иси Олӣ дар бораи дастгирии ҳифзи иҷтимоиву иқтисодии аҳолии ниёзманд, фаъолияти хайриявию эҳсонкории хешро дучанд афзун хохем кард», — иброз дошт раиси Шӯрои директорони ҶСК «Тоҷиксодиротбонк» Тоҷиддин Пиров                    Роҳбарияти бонк тасмим гирифтааст, ки сарпарастии Федератсияи гӯштини дзюдои Ҷумҳурии Тоҷикистонро низ ба зимма гирифта, аз ҷиҳати молиявӣ дастаро дар мусобиқоти байналмилалӣ таъмин намояд.