ҚИММАТИ БАРҚ ТАҒЙИР НАМЕЁБАД

                      Душанбе, 14 май. (АМИТ «Ховар», Лаззат Диловарзод).- Бино ба иттилои Вазорати рушди иқтисод ва савдо бо сабаби бӯҳрони молиявӣ муваққатан тарифи истифодаи барқ мисли пештара 6 дирам боқӣ мемонад.                        Ба иттилои ҳамин манбаъ, аз 1-уми маи соли ҷорӣ боло бурдани нархи истифодаи барқ пешбинӣ шуда буд.                         Ёдовар мешавем, ки аз дар ибтидои соли 2009 қимати барқ ба андозаи 25 фоиз аз ҷониби Вазорати рушди иқтисод ва савдо зиёд карда шуда буд.                         Аз 1-уми январ арзиши истифодаи 1 кВт соат қувваи барқ барои корхонаҳои саноатӣ ва ғайрисаноатӣ ба андозаи 13,68 дирам, барои корхонаҳои буҷетӣ -5,44, барои пойгоҳҳои обкашӣ 3,64 ва барои маркази гармидиҳӣ барои ташкилотҳои ғайрибуҷавӣ 33,75 ва барои ташкилотҳои буҷетӣ 10 дирам муқаррар карда шудааст.