ҶАЛБИ ШАҲРВАНДОН БА СУҒУРТА МЕАФЗОЯД

                     Мӯъминобод, 14 май. (АМИТ «Ховар», Сулаймон Холов). — Бар асоси иттилои сардори шӯъбаи суғуртаи давлатии ноҳияи Мӯъминобод Ҷамшед Носиров ҷалби шаҳрвандон ва шӯъба нисбат ба ҳамин давраи соли сипаригардида зиёд гардид.                      Бояд қайд намуд, ки то ин давра нақшаҳои 5 намуди суғуртаи ҳатмӣ ва 4 намуд суғуртаи ихтиёрӣ иҷро гардида маблағи он 34 ҳазор сомониро ташкил медиҳад. Дар тӯли 3 моҳи соли ҷорӣ маблағи 5 616 сомонӣ суғуртаи амволи шахсони ҳуқуқӣ ва шаҳрвандон, пардохт карда шудааст. Мавриди зикр аст, ки шӯъбаи суғурта нақша дорад ҳамкории худро бо ташкилоту муассисаҳо, хоҷагиҳои деҳқонӣ ва ҷамоат, мактабҳои таҳсилоти умумӣ ва дигар сохторҳо беҳтар намояд, — изҳор дошт сардори шӯъба Ҷамшед Носиров.