БЕМОРИИ ГРИППИ ГУРӮҲИ «А» ТОРАФТ БЕШТАР ПАҲН МЕГАРДАД
Душанбе, 6 май. (АМИТ «Ховар», Кристина Эрлих ). — Бемории хавфноки гриппи гурӯҳи «А», ки қабл аз ин бемории зукоми хук номида мешуд, дар мамлакатҳои ҷаҳон торафт бештар паҳн мегардад. Бояд гуфт, ки микроби барангезандаи ин беморӣ то ҳол омӯхта нашудааст. Аз рӯи маълумоти Созмони ҷаҳонии тандурустӣ ин беморӣ то имрӯз бештар аз 20 мамлакати ҷаҳон ва 38 иёлати ИМА — ро фаро гирифтааст. Теъдоди зиёди одамоне, ки ба ин беморӣ гирифтор шудаанд, дар Мексика ба қайд гирифта шуданд. Дар ин мамлакат зиёда аз яку ним ҳазор нафар мубталои ин беморӣ гардидааст. Рӯзҳои охир шумораи торафт бештари беморон вафот мекунанд. Аз Хадамоти давлатии санитарию эпидемиологии Вазорати тандурустии ҷумҳурӣ ба АМИТ «Ховар» хабар доданд, ки бемории мазкур ба сокинони Тоҷикистон таҳдид намекунад. Зеро ҷумҳурии мо аз манбаи паҳншавии беморӣ хеле дур воқеъ гардида, бо онҳо алоқаи мустақим надорад. Бо вуҷуди ин, мутахассисони идораҳои дахлдор бо назардошти имконияти паҳн гардидани беморӣ дар мамлакат нақшаи тадбирҳои заруриро таҳия месозанд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
