БУНЁДИ МАҒОЗАИ ДУОШЁНА ДАР МӮЪМИНОБОД

                    Мӯъминобод, 18 май. (АМИТ «Ховар», Сулаймон Холов).- Ҷамъияти матлуботи ноҳияи Мӯъминобод сохтмони як мағозаи ду ошёнаро дар маркази ноҳия оғоз кард. Исуф Давлатов раиси ҷамъияти матлуботи ноҳия вобаста ба ин мавзӯъ гуфт: «Бо дастгирии раёсати Тоҷикматлубот ва Ҷамъияти матлуботи вилоят сохтмони мағоза оғоз гардид, ки иборат аз 2 ошёна буда, маблағи 40 ҳазор сомониро дар бар мегирад». Ба гуфтаи ин манбаъ сохтмони мағоза идома дошта, дар кори сохтмон 30 ҳазор сомонӣ масраф гардидааст. Мувофиқи нақша дар дохили мағоза маҳсулоти ниёзи мардум аз тарафи ҷамиъяти матлубот ба фурӯш бароварда мешавад. Мавриди зикр аст, ки баҳри ба итмом расидани мағоза маблағи 60 ҳазор сомонӣ зарур меояд. Айни ҳол аз тарафи ҷамъияти матлубот дар бозори маркази ноҳия сохтмон барои 36 ҷои нишаст ва 6 дӯкони фурӯши гӯшт ба роҳ монда шуда, корҳои сохтмонӣ идома дорад.