ДАР ШӮРООБОД БОҒҲОИ НАВ БУНЁД ГАРДИДАНД

                     Шӯрообод, 14 май. (АМИТ «Ховар», Сулаймон Холов). — Бо мақсади вусъат бахшидан ва корҳои ободонию бунёдкорӣ, кабудизоркунӣ ва беҳбудии вазъи экологӣ тибқи супориши мақомоти иҷроияи ҳокимияти давлатии вилояти Хатлон ва қарори дахлдори раиси ноҳия корҳои муайяне ба сомон расонида шуд.                      Раиси ноҳия Иброҳим Азизов вобаста ба ин мавзӯъ гуфт: «То ин давра 144 ҳазор бех ниҳолҳои гуногун дар ҳудуди марзию маъмурии ҷамоатҳои деҳоти ноҳия шинонида шудааст, ки 71,2 %-и нақшаро дар бар мегирад». Ба гуфтаи ин манбаъ баҳри рушди соҳаи боғу токпарварӣ, тадриҷан зиёд намудани истеҳсоли меваю ангур ва парвариши ниҳолҳои мевадиҳанда барои солҳои 2010 тӯли се моҳи соли ҷорӣ дар ноҳия 68 гектар боғҳои нав бунёд гардида, 15 гектар боғҳои кӯҳна барқарор гардидаанд.