ДИЛШОД НАЗАРОВ СОҲИБИ МЕДАЛИ НУҚРА ГАРДИД

                       Душанбе, 22 май. (АМИТ «Ховар», Пайрав Назаров). — Варзишгари маъруфи тоҷик, гурзпарто, иштирокчии Бозиҳои тобистонаи Олимпии Пекин Дилшод Назаров дар Рио — де — Жанейро дар мусобиқаи байналхалқии гурзпартоён ширкат варзида, ҷои дуюмро ишғол намуд ва сазовори медали нуқра гардид.                      Вай гурзро ба масофаи 77,77 метр партофта, баъди варзишгари словениягӣ Примошу Козмус ҷои дуюмро ишғол кард. П.Козмус гурзро ба масофаи 81,77 метр партофт. Ҷои сеюмро дар ин мусобиқа намояндаи Лаҳистон Шимон Циолковский ишғол намуд.                        Д.Назаров дар Бразилия боз дар ду мусобиқа иштирок хоҳад кард. Вай ният дорад, ки моҳи август дар мусобиқоти қаҳрамонии ҷаҳонии Берлин ширкат варзад.