ГӮСФАНДОНИ МАРКО ПОЛО ҲИФЗ КАРДА МЕШАВАНД

                        Душанбе, (АМИТ «Ховар», Лаззат Диловарзод).- Дар Кумитаи ҳифзи муҳити зист ба мухбири АМИТ «Ховар» иттилоъ доданд, ки бо мақсади манъ кардани тамоми намуди шикор дар мавзеъҳои сукунати гӯсфандони кӯҳии помирӣ (Марко Поло), нақша — чорабиниҳо омода карда 3 гурӯҳи зудамал дар ҳайати 30 нафар кормандон таъсис ёфт. Гурӯҳ дар ҳамкорӣ бо мақомоти ҳифзи ҳуқуқи ВМКБ рейдҳои муштарак гузаронида, ҳолати минтақаро зери назорат қарор додаанд.                       Ҳамзамон, барои пурқувват намудани заминаҳои техникии гурӯҳҳои зудамал, ҷиҳати дуруст ба роҳ мондани назорати давлатӣ 3 автомашинаи ҳамаҷогард (вездеход) ва 2 воҳиди кории иловагӣ ҷудо карда шуд.