ГАЗИ ДАНҒАРА

                   Душанбе, 7 май (АМИТ «Ховар», Лаззат Диловарзод).- Аз Вазорати энергетика ва саноат ба мухбири АМИТ «Ховар» иттилоъ доданд, ки Ширкати «Газпромзарубежнефтегаз» аз моҳи июни соли ҷорӣ корҳои иктишофиро дар се минтақаи ояндадори ҷумҳурӣ — Саргазон, дар ноҳияи Данғара, Ренган дар ноҳияи Рӯдакӣ ва Сариқамиш дар ноҳияи Шаҳринав оғоз мекунад. Ба ин минтақаҳо аз ҷониби ширкати мазкур ворид сохтани техникаю таҷҳизоти зарурӣ оғоз ёфт.                 Аз ҷониби Ширкати «Газпомзарубежнефтегаз» корҳои иктишофӣ дар минтақаи Саргазон ба анҷом расид.                  Алҳол дар ҳудуди ноҳияи Данғара якчанд макони эҳтимолии захираи калони газ кашф карда шудааст.                  Ба иттилои ҳамин манбаъ, мутахассисон барои ба даст овардани маълумоти дақиқтар бояд аз технологияи нави (3D) истифода намоянд. Ин намуди технология ба ҷои нави корҳои иктишофӣ интиқол дода мешаванд.