КИШТИ КАРТОШКА ДАВОМ ДОРАД

                        Рашт, 26 май.(АМИТ «Ховар», Мирзосафар Ризвонов).- Боронҳои пай дар паи баҳори имсола кишту кори кишоварзони ноҳияи Раштро ба таъхир андохт. Ба номусоидии обу ҳаво нигоҳ накарда, хоҷагиҳои ноҳия то имрӯз дар майдони 385-гектар кишти картошка гузарониданд,ки дар ин саҳми кишоварзони ҷамоатҳои деҳоти «Калъаи Сурх», Нусратулло Махсум, Боқӣ Раҳимзода ва Тагоба бештар мебошад.                          Деҳконони ноҳия ният доранд, ки то охири мавсим кишти картошкаро ба 1030 гектар мерасонанд.